ఆర్థిక  మద్దతు లేకుండా … బీసీ లకి రాజ్యాధికారం సాధ్యమేనా ?  

డాక్టర్. బి. కేశవులు నేత , ఎం.డి. ( సైకియాట్రీ ). ఉస్మానియా.
చైర్మన్ :  తెలంగాణ  మేధావుల సంఘం.

వెనుకబడ్డ కులాలు” అన్న పదం 1950 తర్వాత భారత రాజ్యాంగంలో ప్రాధాన్యత పొందింది. అధికారికంగా “సామాజికంగా మరియు విద్యాపరంగా వెనుకబడినవారు అనేది కేవలం ఆర్థికతపై ఆధారపడిన నిర్వచనం కాదు. ఇది చరిత్రాత్మక దురవస్థ, సామాజిక అణచివేత, విద్య, ఉద్యోగాల్లో అన్యాయ పరిమితులు ఆధారంగా గుర్తించబడింది. బీసీలు రాజకీయ ప్రాతినిధ్యం సాధించాలంటే ఆర్థిక బలమూ అవసరం. కానీ బీసీలు ఈ దేశంలో వాణిజ్య, పరిశ్రమ, ప్రభుత్వ ఆస్తుల పంపిణీ విషయంలో ఎప్పటి నుంచో శోషితులే. చరిత్రలో  చివరికి బ్రిటిష్ కాలంలో కూడా  బ్రాహ్మణ, క్షత్రియ వర్గాలు రాజ్యాధికారాన్ని స్వాధీనం చేసు కొని BC లను శూద్రులు అనే నేపంతో  అణచివేతకు గురి చేశాయి.

 బీసీల ఆర్థిక స్థితిని గణాంకాలు, జాతి ఆధారిత ఆస్తుల పంపిణీ, వేతన ఉద్యోగాల్లో వాటా, వ్యాపార రంగాల్లో ప్రవేశం ఆధారంగా  విశ్లేషించినప్పుడు నివ్వర పోయే నిజాలు వెల్లడయ్యాయి..

సంపదలో  వాటా ? 

 సంపదలో బీసీలకు ఉన్న వాటా, వారి జనాభా శాతంతో పోలిస్తే విపరీతంగా తక్కువ. ఉద్యోగాల్లో బీసీల స్థితి ప్రభుత్వ vs ప్రైవేట్ విభాగాల్లో కనీసం విద్యార్హతలు ఉన్నా కూడా – ఎంపిక విధానాల్లో అజ్ఞాతమైన కులపూర్వగ్రహం ఉంది. IT, Corporate రంగాల్లో “కల్చరల్ ఫిట్” పేరుతో బీసీలను బయటపెడుతున్నారు. బీసీలు పెట్టుబడి మద్దతుతో కూడిన రంగాల్లో (like SEZs, Pharma, Tech Parks) కనిపించరు.ఆర్థిక విధానాల రూపకల్పనలో భాగస్వామ్యం లేనందున, వారి ఆర్థిక ప్రాధాన్యత ఎప్పటికీ గుర్తించబడడం లేదు.బ్యాంకుల లోన్ పంపిణీలో బీసీలకు అన్యాయం, PMEGP, Mudra, Stand-Up India, MSME స్కీముల్లో బీసీ వ్యాపారులకు అనుమతించిన రుణాలు కంటే అందినవి తక్కువ.బ్యాంకింగ్ రంగంలో BC caste బేండింగ్ కారణంగా చాలామంది రుణాలకు నో చెప్పడం సాధారణం. అవకాశం కోసం బీసీ యువకులు తిరుగుతుంటే, ఇతర కులాల వారు collateral లేకుండానే భారీ రుణాలు పొందుతున్నారు. బీసీలకు పెట్టుబడి అవకాశాలపై విద్య & సామాజిక మూల్యాల ప్రభావం, బీసీ యువతకు ఫైనాన్స్ అవగాహన తక్కువ (School curriculum లో ఆర్థిక విజ్ఞానం లేకపోవడం).Mentoring లేకపోవడం.లాంగ్‌టెర్మ్ క్యాపిటల్ తక్కువగా ఉండటం. ఈ కారణాల వల్ల startups, innovations, high-end consultancy sectors లాంటి రంగాల్లో బీసీ యువత ప్రవేశించలేకపోతున్నారు, Mission for BC Economic Empowerment లేదు. Dalit Bandhu లాంటి పథకం BCలకు లేదు.BC  కార్పొరేషన్, OBC Development Finance Corporation వంటి సంస్థలు నామమాత్రమే అన్న విషయం మరవద్దు.

అనాదిగా అణిచివేత….

బీసీ జనాభా 52% ఉన్నా, ఒకే సారి లోక్‌సభలో 100 మంది BC ఎంపీలు ఎప్పుడూ లేరు. 2024 లోక్‌సభకు ముందు గణాంకాల ప్రకారం, 543 స్థానాల్లో, కేవలం 90–110 ఎంపీలు మాత్రమే బీసీ వర్గాలకు చెందినవారు. మొత్తం 29 రాష్ట్రాల్లో, ఇప్పటి వరకు కేవలం 8-9 మంది మాత్రమే బీసీ సీఎంలుగా ఉన్నారు. చాలా సందర్భాల్లో వారు డమ్మీ సీఎంలుగా ఉండి, నిజమైన అధికారం వేరే వర్గాల దగ్గరే ఉంది. 2024 నాటికి మోడీ క్యాబినెట్ లో OBC మంత్రులు 27 మందే ఉన్నారు, అధిక హోదాలో ఉండేవారు 4- 5 గురు మాత్రమే. UPSC లో రిజర్వేషన్ ఉన్నా కూడా, OBC IASలు 13-15% మించరు. High Court, Supreme Court న్యాయమూర్తుల్లో OBC ప్రాతినిధ్యం <5% మాత్రమే నన్న చేదు నిజాన్ని మింగక తప్పదు కదా !

 విభజించు.. పాలించూ…

బీసీ వర్గం అనేది ఏకీభవించిన శక్తి కాదు.ప్రతి రాష్ట్రంలో వేర్వేరు కులాలు ఉన్నందున, రాజకీయ ఐక్యత తక్కువగా ఉంది. రాజకీయ పార్టీలు ఓటు బ్యాంక్ గా ఉపయోగించటం, పార్టీలు BC లను టిక్కెట్లు ఇచ్చినా, CM లేదా పార్టీ అధ్యక్ష స్థాయిలోకి rarely తీసుకుంటాయి. రాష్ట్రవ్యాప్తంగా BC లు దాదాపు 52% ఉన్నా, CM పదవి ఎప్పుడూ BC కు ఇవ్వలేదు. BRS పార్టీ – కమ్మ, రెడ్డి ఆధిపత్యం, కాంగ్రెస్ – రెడ్డి, కొంత BC మద్దతు, BJP – ఉత్తరాది మూలాల ఆధిపత్యంతో BC లకు ఉపపరిధి స్థాయి మాత్రమే. ఎన్నికల ఖర్చులు ఎక్కువగా ఉండటంతో, BC వర్గాలకు అధికారం దూరంగా ఉంది. బీసీల గొంతుక ప్రాచుర్యం పొందే మీడియా లేదు. “Representation without amplification” అన్నదే నిజం.భారత రాజకీయాలలో వర్గ ఆధిపత్యం ఓ ప్రధాన అంశం.ఈ వర్గాలు విద్యా వ్యవస్థ, మీడియా, న్యాయ వ్యవస్థ, రాజకీయ పార్టీలు, ఎలక్టోరల్ ఫండింగ్ అన్నిటినీ ప్రభావితం చేస్తూ ఉన్నాయి. వెనుకబడిన వర్గాలకు కొన్ని MLA టిక్కెట్లు ఇవ్వడం, కానీ CM పదవి, గవర్నర్, రాష్ట్రపతి వంటి హై-పోస్టుల నుంచి దూరంగా ఉంచడం.గెలిచిన BC నాయకుడిని డమ్మీగా ఉంచి, నెపథ్యశక్తులు ఆధిపత్యం చలాయించడం. వర్గాలు విడదీయడం కోసం కుల ప్రాతిపదికన  బలహీన BC vs శక్తివంతమైన BC వర్గాలు గా విభజిస్తున్నాయి.

పునర్నిర్మాణం ద్వారా .….

బీసీల ఆర్థిక శోషణ అనేది నిత్యం జరిగే అసమానత, కానీ కనిపించని మౌన దాడిలాంటిది. ఇది రాజకీయానికి కడుపు పెట్టే బలం లేని సంఘం గా మార్చేసింది. BC-specific Economic Bill – ఆదాయ, భూమి, ఉద్యోగ, పెట్టుబడుల్లో కోటా చట్టం.పెట్టుబడి & వ్యాపార ప్రారంభాలకు ప్రత్యేక నిధులు (like BC-Bandhu), వృత్తిపరమైన శిక్షణ, బిజినెస్ మెంటారింగ్, స్టార్టప్ ప్యాకేజీలు – ప్రాంతాల వారీగా. ప్రభుత్వ & ప్రైవేట్ రంగాల్లో  నివేదికలతో ఖచ్చితమైన B.C representation mapping, ఆర్థిక ప్రాతినిధ్యం లేకుండా, రాజకీయ ప్రభావం సాధ్యపడదు. ఈ పరిస్థితిని మారుస్తూ – ఆర్థిక వ్యవస్థను బహుజన అనుకూల వాద విధంగా మార్చడం అవసరం.  కేంద్ర ప్రభుత్వం కులగణనను జరిపి , ఆ లెక్కలను అధికారికంగా  బయటపెడితే, రాజకీయ ప్రాతినిధ్యం లోపాన్ని ఎత్తిచూపే అవకాశం పెరుగుతోంది. బహుజన ఐక్యత కలిగితే, బీసీ – ఎస్సీ – ఎస్టీ – మైనారిటీ వర్గాలు ఒక్కటిగా రాజకీయంగా కలిస్తే, 85% పైగా ఓటు శక్తి కలిగి ఉంటాయి. IAS, IPS, Legislature లోకి చేరే బీసీ యువత శాతం పెరిగితే, పబ్లిక్ పాలసీ డిజైన్ లో వారి ప్రతినిధ్యం పెరుగుతుంది. మీడియా వ్యవస్థలో BC ల ప్రాతినిధ్యం తక్కువగా ఉండడం వల్ల వారి సమస్యలు ప్రతిబింబించబడడం లేదు.బహుజన మీడియా ప్లాట్‌ఫామ్స్, యూట్యూబ్ చానెళ్లు, వేరే మీడియా హబ్‌లు నిర్మించాల్సిన అవసరం ఉంది.బహుజన మీడియా హబ్‌లు ఏర్పడితే,మాస్ ఓపీనియన్ మలుపు తిరగొచ్చు. వ్యాపార రంగాల్లో BC ల ఆర్థిక పునాది బలపడితే, రాజకీయంగా పునాది బలపడుతుంది. అది ఐక్యత, చైతన్యం, వ్యవస్థ పునర్నిర్మాణం ద్వారా మాత్రమే  సాధ్యమవుతుంది.