డాక్టర్. బి.వి. కేశవులు. ఎండి. సైకియాట్రీ.
తెలుగు సినిమా… ఒక్కోసారి మా ఊపిరిలాంటి సంస్కృతి. దాన్ని తామేమో తమ చేతుల్లో పెట్టుకుని నడిపిస్తున్నారన్న మాట వినగానే హృదయం బాధపడుతుంది. ప్రస్తుతం ఇండస్ట్రీలో హాట్ టాపిక్ — థియేటర్స్ బంద్.
ఎగ్జిబిటర్స్ వర్సెస్ నిర్మాతలు అన్నట్టు మొదలైన ఈ గొడవ… ఇప్పుడు పవన్ కళ్యాణ్ వర్సెస్ ఆ నలుగురు అని మారిపోయింది.
పవర్ స్టార్ నటించిన ‘హరిహర వీరమల్లు’ విడుదలకు ముందు థియేటర్ల తాళం వేసే ప్రయత్నం జరుగుతోందని, పవన్ ఇండస్ట్రీ సమస్యల పరిష్కారం కోసం ముందుకొచ్చినప్పటికీ, అదే సమయంలో ఆయన సినిమాకి అడ్డంకులు పెడతారట! ఇది విని, చూస్తూ పెరిగిన తెలుగు సినిమా ప్రేమికుల గుండెల్లో ఆవేదన చిమ్మింది.
ఏపీ సినిమాటోగ్రఫీ మంత్రి కందుల దుర్గేష్ ఈ వ్యవహారంపై విచారణకు ఆదేశించగా… మిగిలిన ప్రశ్న — ‘ఆ నలుగురు’ ఎవరు?
అవును… ఎవరు ఆ నలుగురు?
తెలుగు సినిమా పరిశ్రమలో నిర్మాతలందరికన్నా ఎక్కువ శక్తి, నెట్టవేతలు, డిస్ట్రిబ్యూషన్ ముఠాలు ఎవరిచేతల్లో ఉన్నాయంటే — సురేష్ బాబు, అల్లు అరవింద్, దిల్ రాజు, ఏషియన్ సునీల్ అనే పేర్లు వినిపిస్తాయి.
సురేష్ బాబు దగ్గర రామానాయుడు స్టూడియో ఉంది. ఎన్ని సినిమాల సెట్లు, పోస్ట్ ప్రొడక్షన్, ప్రివ్యూ థియేటర్స్, డిస్ట్రిబ్యూషన్ — అన్నీ ఒకేచోట. ఫిల్మ్ నగర్ లో అద్భుతమైన ఆధిపత్యం.
ఏషియన్ సునీల్ దగ్గర మల్టీప్లెక్స్‌ల చుట్టూ మెగానెట్ వర్క్. మహేష్ బాబు, అల్లు అర్జున్ తో మల్టీప్లెక్స్‌లు, రవితేజతో కొత్త థియేటర్లు. ఇప్పుడు నిర్మాతగానూ ‘కుబేర’ వంటి సినిమాలు.
అల్లు అరవింద్, దిల్ రాజు గురించి కొత్తగా చెప్పక్కర్లేదు. భారీ సినిమాలు, చిన్న సినిమాలు, కాన్సెప్ట్ ఫిలిమ్స్ — అన్నిటికీ వీళ్ళ డిస్ట్రిబ్యూషన్ నెట్వర్క్. మెజారిటీ థియేటర్లు, డబ్బింగ్ సినిమాలు వీళ్ల చేతుల్లోనే.
అందుకే విమర్శలు…
ఎందుకు విమర్శలు వచ్చాయంటే, వీళ్ళు తమ సినిమాలకు థియేటర్లు ఫుల్ చేసి, మిగతా సినిమాలకు అవకాశాలు తగ్గిస్తున్నారనే ఆరోపణలు కొత్తవి కావు. నట్టి కుమార్ వంటి నిర్మాతలు ఇదివరకే గళమెత్తారు. అప్పట్లో చిన్న సినిమాలకు తక్కువ ప్రాధాన్యం ఇచ్చినా… ఇప్పుడు ఏకంగా పవన్ కళ్యాణ్ సినిమాకే అడ్డుపడతారా? అన్నది అందరినీ కలిచేస్తోంది.
‘ఆ నలుగురు’ పేర్లు ఎవరూ బహిరంగంగా పలకరించకపోయినా… ఇండస్ట్రీ లోపల వాళ్లే అని ఓపెన్ సీక్రెట్. ఇప్పుడు ఏకంగా ఏపీ మంత్రివర్గం వరకూ “పవన్ కళ్యాణ్ సినిమా విడుదల అడ్డుకోవడంలో ఆ నలుగురు పాత్ర” ఉందంటూ ప్రకటనలు రావడం గమనార్హం.
మనమే మన పరిశ్రమను కాపాడుకోవాలి…
తెలుగు సినిమా అంటే మన కల. దాన్ని గ్లామర్‌తో మాత్రమే కాదు… మన కథతో, మన భావోద్వేగంతో నిలబెట్టుకోవాలి. కొన్ని చేతుల్లో మాత్రమే పరిశ్రమ ఉండకూడదు. ఒక్క పవన్ కాదు, ఒక్క మంత్రివర్గం కాదు… ప్రతి ప్రేక్షకుడూ ఈ పరిశ్రమను రక్షించుకోవాల్సిన బాధ్యత తీసుకోవాలి.
చివరగా…
“తెలుగు సినిమా మన ఊపిరి… దాన్ని కొందరి చేతుల్లో బందీ చేయకుండా, ప్రతి ప్రేక్షకుడి చేతిలో సజీవంగా ఉంచుదాం. అది మన బాధ్యత… మన హక్కు. అలాగే ప్రభుత్వాల బాధ్యత కూడా, వారి డబ్బుల కోసం కక్కుర్తి పడకుండా, చిన్న నిర్మాతల, చిన్న నటుల జీవితాలకు ఆసరా కల్పిస్తూ తెలుగు చిత్ర పరిశ్రమను కొందరి కబంద హస్తాల నుంచి కాపాడుతారని ఆశిద్దాం.
