టీ టైమ్స్ ప్రత్యేక ప్రతినిధి. హైదరాబాద్:
తెలంగాణ గ్రామీణ రాజకీయాల్లో తాడు బిలోలి తాజా విజయం విశేషంగా నిలిచింది. గ్రామ అభివృద్ధి, ప్రజా సమస్యలపై స్పష్టమైన అవగాహనతో ముందుకెళ్లిన ఆయనకు గ్రామస్తులు ఘనమైన మద్దతు అందించారు. ఆయన ఎవరో కాదు సాక్షాత్ తెలంగాణ శంకర్, గతంలో సర్పంచిగా ఘనవిజం సాధించిన వ్యక్తి , నేడు మళ్ళీ అదే శంకర్ సర్పంచ్గా బాధ్యతలు చేపట్టబోతున్నారు. తాడు బిలోలి, పారదర్శక పాలన, మౌలిక సదుపాయాల అభివృద్ధి, యువతకు అవకాశాలు కల్పించడం వంటి లక్ష్యాలతో పనిచేస్తానని హామీ ఇచ్చారు. ఈ విజయం ప్రజల నమ్మకానికి ప్రతీకగా మారి, గ్రామంలో కొత్త ఆశలకు నాంది పలికింది.
శంకర్ తెలంగాణ ఉద్యమంలో కీలకంగా పాల్గొన్న ఒక అంకితభావ కార్యకర్త. రాష్ట్ర సాధన కోసం సాగిన పోరాటంలో ఆయన పాత్ర గ్రామస్థాయిలో ఎంతో ప్రభావవంతంగా కనిపించింది. తెలంగాణ ప్రత్యేక రాష్ట్రం కావాలనే ఆకాంక్ష ప్రజల్లో బలంగా నాటుకుపోయేలా చేయడంలో శంకర్ తన వంతు కృషి చేశారు. ఉద్యమ ప్రారంభ దశ నుంచే సమావేశాలు, ర్యాలీలు, ధర్నాలు, రాస్తారోకోలు వంటి కార్యక్రమాల్లో చురుగ్గా పాల్గొన్నారు.
గ్రామీణ ప్రాంతాల్లో ఉద్యమ భావజాలాన్ని తీసుకెళ్లడం అంత సులభం కాదు. అయినప్పటికీ, శంకర్ ఇంటింటికి వెళ్లి తెలంగాణ ఎందుకు అవసరమో, ప్రత్యేక రాష్ట్రం వల్ల రైతులు, విద్యార్థులు, యువతకు కలిగే ప్రయోజనాలను వివరించారు. ఉద్యమ సమయంలో వచ్చిన ఒత్తిళ్లు, ఇబ్బందులను ఎదుర్కొంటూ కూడా వెనుకడుగు వేయలేదు. పలుమార్లు పోలీసు అడ్డంకులు, హెచ్చరికలు ఎదురైనా ఉద్యమ పట్ల ఉన్న నిబద్ధత తగ్గలేదు.
తెలంగాణ అమరుల త్యాగాలను గ్రామ ప్రజలకు గుర్తు చేస్తూ, ఉద్యమానికి భావోద్వేగపూరిత మద్దతు కూడగట్టడంలో శంకర్ పాత్ర ముఖ్యమైనది. ఆయన పాల్గొన్న ఉద్యమ కార్యక్రమాలు గ్రామ యువతలో చైతన్యం పెంచాయి. అదే ఉద్యమ అనుభవం, ప్రజల మధ్య నమ్మకం నేడు ఆయనను సర్పంచ్గా గెలిపించిన ప్రధాన బలంగా మారింది. తెలంగాణ ఉద్యమం శంకర్ జీవితానికి దిశ చూపిన ఒక మహత్తర అధ్యాయం.
