టీ టైమ్స్ స్పెషల్ డెస్క్. హైదరాబాద్.
తెలంగాణ ఉద్యమం నుంచి….. క్యాబినెట్ మంత్రి పదవికి….
‘మైడియర్ డాడీ’
అంటూ గురువారం కవిత ఆరు పేజీల లేఖను మాజీ ముఖ్యమంత్రి, బిఆర్ఎస్ అధినేత కల్వకుంట్ల చంద్రశేఖర్ రావుకు సంచలన లేఖను రాశారు. పార్టీ లీడర్స్‌కు యాక్సెస్ ఇవ్వడం లేదంటూ, ఇటీవల నిర్వహించిన బిఆర్ఎస్ రజతోత్సవ సభ గురించి కూడా ఆమె లేఖలో ప్రస్తావించారు.ఈ సందర్భంగా పాజిటివ్, నెగెటివ్ ఫీడ్ బ్యాక్ అంటూ కవిత.. కెసిఆర్ కు వివరంగా లేఖ రాశారు, బిజెపితో పొత్తుపై కూడా సిల్వర్ జూబ్లీ సభలో క్లారిటీ ఇవ్వలేదని,బిజెపిపై రెండు నిమిషాలే మాట్లాడడంతో అనుమానాలకు తావిచ్చారనీ. బిజెపి వల్ల నేను చాలా బాధపడ్డాను. ఆ పార్టీని టార్గెట్ చేసి ఉంటే బాగుండేది. వక్ఫ్ బిల్లు, బిసిలకు 42 శాతం కోటా, ఎస్సి వర్గీకరణపై నోరు విప్పలేదు. పాత ఇన్‌ఛార్జ్‌లకే లోకల్ బాడీ బీ ఫారం ఇస్తారా?. 2001 నుంచి పార్టీలో ఉన్న వారిని వేదికపై మాట్లాడనివ్వరా?” అంటూ కవిత లేఖలో ప్రశ్నించారు
హై కమాండ్ తో మాట్లాడిన తరువాతనే ?
కెటిఆర్ కు పార్టీ భాద్యతలు అప్పగించాలని..అలాగే, భవిష్యత్ లో సిఎంను చేయాలని కెసిఆర్ ప్లాన్ చేస్తున్నట్లు, అందుకే హరీశ్ రావును పక్కకు పెడుతున్నారని వార్తలు వచ్చాయి ఇక, పార్టీలో తనను నెంబర్ 2గా చేసి, వర్కింగ్ ప్రెసిడెంట్ బాధ్యతలు అప్పగించాలని, లేకపోతే కొత్త పార్టీ పెట్టడం లేదా వేరే పార్టీలో చేరే ఆలోచనలు ఉన్నట్లు కవిత కెసిఆర్ కు కండిషన్ పెట్టిందని బయట ప్రచారం జరుగుతోంది. ఈ నేపథ్యంలోనే తనను అవమానించిన బీజేపీకి బుద్ధి చెప్పాలని, అందుకు కాంగ్రెస్ పార్టీ యే సరియిన మార్గమని నమ్మకం తో కాంగ్రెస్ హై కమాండ్ పెద్దలతో మాట్లాడి, మంత్రి పదవి బాధ్యతల అప్పగించడం ఖాయమన్న తర్వాతనే, కెసిఆర్ కు కవిత లేఖ రాసినట్లు అత్యంత విశ్వసనీయ మార్గాల ద్వారా తెలిసింది,
మంత్రిగా కాంగ్రెస్ గూటిలోకి. …..
2001లో ఊపిరి పోసుకున్న తెలంగాణ కల… 2014లో సాకారం అయ్యింది. ఆ ఉద్యమ గళాల్లో ఒకటి కవిత గారు. ఉద్యమ రోడ్లపై నడిచిన కవిత ఇప్పుడు మరో రాజకీయ అడుగు వేసింది. గతంలో పలుసార్లు మంత్రివర్గ విస్తరణ వాయిదాకు అసలు కారణం టిఆర్ఎస్ కి భారీ దెబ్బకొట్టడం రేవంత్ వేస్తున్న ఎత్తుగడ… సమయం సందర్భం చూసి కేటీఆర్ కు దిమ్మతరిగే షాక్ ఇవ్వడంలో భాగంగానే కవిత ఎదురు తిరిగినట్టు తెలుస్తుంది.
అందరు ఆశ్చర్యపోయినా… వ్యక్తిగతంగా గెలవడం కాదు — రేవంత్ రెడ్డి నాయకత్వంలో నూతన తెలంగాణ నిర్మాణంలో, మహిళల సాధికారత, యువత అవకాశాలు, అభివృద్ధి ప్రణాళికల్లో కవిత గారి దృష్టి ఉపయోగపడుతుంది. అభిమానానికి మించిన ప్రజాహితం కోసం ఇది తీసుకున్న సాహసోపేతమైన, రాజమార్గపు నిర్ణయం కాబోతోంది. కలలో కూడా ఊహించని కొత్త అధ్యాయం ఇది. తెలంగాణ రాష్ట్ర రాజకీయాల్లో పాత క్షణాల్ని స్మరించుకుంటూ, కొత్త మార్గాల్లో ప్రజల కోసం నడవాలని నిర్ణయించుకున్న కవితకు అభినందనలే.
“తెలంగాణ పోరాట యోధురాలి నుంచి, పాలనాధికారి వరకు… ఇదే భారతదేశ ప్రజాస్వామ్య గొప్పతనం.”
