డాక్టర్. కేశవులు భాషవత్తిని. ఎండి. సైకియాట్రీ. చైర్మన్ : తెలంగాణ ఇంటలెక్చువల్స్ అసోసియేషన్.
ఒక పక్క పి సీ ఘోష్ కమిషన్ నోటీసులు,
మరో పక్క బీఆర్ఎస్ భవితవ్యంపై ఉత్కంఠ.
అవును — ఇదే క్షణం
తెలంగాణ రాజకీయాల్లో ఆసక్తికరమైన మలుపు.
కేటీఆర్ వ్యూహం:
రాజకీయ ఆత్మవిశ్వాసపు ఆట
తెలంగాణ ఉద్యమ సమయంలో కేసీఆర్
“ఉమ్మడి రాష్ట్రంలో పలు సార్లు ఏం ఎల్ ఏ పదవి కి,
ఎంపీ రాజీనామా చేసి మళ్లీ గెలిచి తెలంగాణ ప్రజల మనోభావాల్ని చాటారు.”
ఆ స్ఫూర్తిని ఇప్పుడు కేటీఆర్ రిపీట్ చేయ పోతున్నాడు.
పీసీ ఘోష్ కమిషన్ విచారణ పేరుతో బీఆర్ఎస్‌ను
టార్గెట్ చేస్తోందన్న ఆరోపణను ప్రజల్లో బలపరిచి,
కేసీఆర్, హరీష్ రావు పదవులకు రాజీనామా చేసి,
గెలిచి కాంగ్రెస్‌ను దోషిగా నిలబెట్టాలన్నది కేటీఆర్ గేమ్ ప్లాన్….
ఈ దిశగా కేటీఆర్ ఎమోషనల్ కార్డు ఆడతున్నాడు.
“తెలంగాణ తెచ్చిన తండ్రిని, ఉద్యమ కారుడు మా మేన బావను విచారణ పేరుతో వేధించాలనుకోవడం వారి చిన్నతనాన్ని, రాజకీయ దురుద్దేశాన్ని చూపుతుంది. మేము ప్రజల ముందు నిలబడతాము, గెలిచి చూపిస్తాము” అని ఆయన ప్రజల్లో భావోద్వేగాన్ని రేపేలా మాట్లాడుతున్నారు.
ఒకవేళ రాజీనామా చేస్తే — పరిణామాలు :
ప్రజల్లో బీఆర్ఎస్ పట్ల మళ్లీ అనురాగం మొదలోవొచ్చు..
కాంగ్రెస్ ప్రభుత్వంపై ప్రజా అసంతృప్తి, ‘ఇది ప్రతీకారం’ అనే భావన.
అసెంబ్లీ మధ్యకాల ఉపఎన్నికలతో ప్రభుత్వానికి రాజకీయ దెబ్బ.
ఈ దెబ్బలకు తట్టుకోలేక … కాంగ్రెస్ డీలా పడే అవకాశం ఉంది.
కేటీఆర్ అసలు గేమ్ ఇక్కడే మొదలౌతుంది.
హరీష్ రావు పాత్ర : విశ్వాసపు పరీక్ష
ఇక్కడ మరొక ముఖ్యమైన అంశం హరీష్ రావు.
ఇప్పటికే వర్గ పోరుతో బీఆర్ఎస్‌లో వణికిస్తున్న హరీష్,
ఈ సమయంలో రాజీనామా చేసి పోటీ చేయడం అనేది,
తన నిబద్ధతను కేసీఆర్, పార్టీ ముందు చూపించడమే కాదు —
తన రాజకీయ భవితవ్యాన్ని సైతం మలుపు తిప్పే నిర్ణయంగా నిలవనుంది.
“హరీష్ రావు గెలిస్తే — ఇప్పుడు తను తానే వెనక్కి తగ్గకుండా,
‘కుటుంబ రాజకీయం లో మేము ఒక్కటే’ అనే మెసేజ్ ఇచ్చే ప్రయత్నం చేస్తూ,
ఈ రాజీనామా ప్లాన్‌ను ముందుకు తెస్తున్నాడు.
ప్రజల భావోద్వేగం —
పాలిటిక్స్‌ను డిసైడ్ చేస్తుందా?
తెలంగాణలో ఎప్పుడూ భావోద్వేగమే ఎన్నికల ఫలితాన్ని నిర్ణయిస్తుంది.
2014లో రాష్ట్రం,
2018లో కేసీఆర్ అసెంబ్లీ రద్దు,
2023లో ప్రజల నిరాశ —
అన్నీ భావోద్వేగాలే.
ఇప్పుడు అదే మార్గంలో
కేటీఆర్ “మా తండ్రి, మా మేన బావను
తప్పుడు కేసుల్లో నిప్పుల్లో కాల్చుతారా? రండి,
ప్రజల ముందే పోటీ చూద్దాం” అన్నాడు అంటే,
ఈ రాజకీయ భావోద్వేగాన్ని
బీజేపీ, కాంగ్రెస్ తట్టుకోవడం చాలా కష్టమే.
తుదిగా…
ఈ రాజీనామా వ్యూహం నిజంగా జరిగితే,
తెలంగాణ రాజకీయాల్లో ఓ మైలురాయే.
బీఆర్ఎస్ మళ్లీ పుంజుకోవచ్చు.
ఓడిపోతే… ఫ్యూచర్ ఊహించుకోవచ్చు…
కానీ, ఓ సత్యం మాత్రం స్పష్టంగా చెప్పచ్చు…
తెలంగాణ రాజకీయ వేదికపై ఇప్పుడు ప్రధాన పాత్రలు —
కేటీఆర్, కేసీఆర్, హరీష్ రావు.
మిగిలినవాళ్లు ఫిల్లర్ క్యారెక్టర్లే!
“రాజీనామా చేసి గెలిస్తే కాంగ్రెస్ పని ఖతం” అన్నది కేవలం ఓ రాజకీయ వాఖ్య కాదు. ఇది కేటీఆర్ తన తండ్రి కేసీఆర్ రాజకీయ శైలిని పూర్తిగా అలవరచుకుని, దాన్ని మరో స్థాయిలో అమలు చేయాలన్న ప్రయత్నం.
గమనిస్తారా?
ఇదే రాజకీయ వ్యూహ శైలీ.
